Архив новостей
12.05.2025
Праект "Перамога, што нам завяшчалі "
У групе "Сямікаляровік " на тыдні праходзiў праект "Перамога, што нам завяшчалі ". Выхаванцы пачалі сваё знаёмства са святам Перамогі з размовы і праслухвання голасу Левітана Ю.Б. аб пачатку вайны, пасля сваімі рукамі зрабілі кветку Перамогі - стужку, што з’яўляецца адным з сімвалаў вялікага свята. Надалей выхаванцы знаёміліся з дзецьмі - героямі: Маратам Казеем, Валянцінам Коцікам, Зінай Партновай, іх подзвігам.
Праз акцыі і чэленджы бацькі мелі магчымасць распавесці сваім дзецям аб гераізме беларускага народа пад час ваенных падзей. Паштоўка "З днём Перамогі", якую дзеці падпісвалі самастойна, стала яшчэ адным крокам спрычынення да новай гісторыі сваёй Радзімы.
