Архив новостей
24.01.2025
Гульнявы вечарок "Неверагодныя прыгоды каляднай Казы"
Пад час святкавання Калядаў у ДУДА "Дзіцячы сад №44 г. Баранавічы" прайшоў гульнявы вечарок "Неверагодныя прыгоды каляднай Казы". Усе ўдзельнікі змаглі дакрануцца да цеплыні беларускіх традыцый праз удзел у гульнях і забавах, спяваючы калядныя песні. Гукі беларускай музыкі напоўнілі групу весялосцю і падаравалі кожнаму кавалачак сапраўднага каляднага цуда. Падрыхтаваная бацькамі казка для дзяцей стала адным з яркіх момантаў гэтага вечара. Гульня "Перацягні ухват" аб’яднала розныя пакаленні, дорачы ўсім усмешкі і радасць, а вясёлы нораў каляднай Казы адагнаў сум і адзіноту на увесь распачаты год.