Архіў навін
05.05.2023
Жураўлік завітаў да нас
ДУДА "Дзіцячы сад 44 г. Баранавічы" 5 мая прыняў удзел у гарадской эстафеце "Палёт жураўліка", які прысвечаны Году міра і сазідання. Сустракалі Жураўліка дзеці старэйшай групы, якія ў музычнай зале прывіталі яго па- беларуску, як сапраўднага госця - з песнямі і ўсмешкамі. Жураўлік завітаў ў беларускі вугалок, дзе дзеці распавялі яму пра народных лялек, пра гульні, народныя традыцыі, якія захоўваюць маленькія беларусы. Давялося Жураўліку папрысутнічаць і на свяце Вялікай Перамогі, якое адгукнулася глыбінёй патрыятызму і жаданнем захаваць мірнае неба над нашай краінай, нашымі дзецьмі.
Над Белай Руссю —Белы бусел
3 бусліхай ў вышыні нябёс.
А гэта значыць, Белай Русі
Наканаваны шчасны лёс...
Выхаванцы нашай установы ніколі не забудуць подзвіг нашага народа ў Вялікай Айчыннай вайне, колькі б год не прайшло - будуць беражліва захоўваць памяць аб сваіх дзядах і прадзедах, дзякаваць ім за тое, што змагаліся ў імя нашай светлай будучыні.