Архіў навін
07.04.2022
«Гуканне вясны»
«Гуканне вясны»
Каб развітацца з зімой і паскорыць надыход вясны, 7 красавіка ў нашай установе дашкольнай адукацыі прайшоў прыгожы і радасны абрад «Гуканне вясны» разам з дарослымі і выхаванцамі старэйшай групы.
Хлопчыкі і дзяўчынкі клікалі вясну і пералётных птушак
песнямі-вяснянкамі, заклічкамі, гулялі ў народныя гульні, а таксама прасілі сонейка хутчэй сагрэць зямельку. Дзеці з вялікім задавальненнем гулялі ў абрадавыя гульні з Зімой, Буслом, Мядзьведзем.
У канцы мерапрыемства дашкаляты з задавальненнем прынялі пачастунак – выпечаныя з цеста фігуркі птушак, традыцыйныя "буські", адзін з галоўных сімвалаў абраду.
Нам дарослым, трэба памятаць, што повязь вякоў, яднанне з продкамі, веданне і захаванне традыцый з’яўляецца вельмі важным у выхаванні падрастаючага пакалення, у разуменні саміх сябе і свайго месца ў грамадстве.