Архіў навін
01.04.2022
Традыцыі і мова беларускага народа
Традыцыі і мова беларускага народа
Кожны чалавек павінен ведаць традыцыі і мову свайго народа. Таму трэба ўсвядоміць, што чым болей нацыянальнага ў выхаванні дзяцей, тым мацней, духоўна багацей нацыя. Народныя святы і абрады садзейнічаюць далучэнню да розных відаў мастацтва, творчай дзейнасці і працоўных працэсаў. Патрэбна памятаць, што ў нашы дні няма натуральнага пераймання фальклору ад старэйшых. Таму ў нашай установе дашкольнай адукацыі праз спецыяльна- арганізаваную дзейнасць, абрадавыя святы народнага календара, беларускія народныя гульні, казкі, пацешкі і забаўлянкі дзеці пашыраюць свае ўяўленні пра Радзіму, паглыбляюць веды і з задавальненнем размаўляюць на беларускай мове - а значыцца закладаецца фундамент для фарміравання нацыянальнай самасвядомасці і патрыятызму.